ប្រភពៈ កាសែតកោះសន្តិភាព
អ្នកនិពន្ធៈ កោះឯករាជ្យ
ចេញផ្សាយ ថ្ងៃ ព្រហស្បតិ៍ ទី ២៥ ខែ កុម្ភៈ ឆ្នាំ ២០១០
ឈ្លើងដ៏ធំដែលដងខ្លួនរបស់វាមានប្រវែងដល់ទៅ១៥សង្ទីម៉ែត្រ
ក្រុមវេជ្ជបណ្ឌិតនៅមន្ទីរពេទ្យមួយស្ថិតក្នុងខេត្ដង៉ែអាន (Nghe An) ភាគកណ្ដាលប្រទេសវៀតណាម បានធ្វើការវះកាត់យកឈ្លើងខ្នាតធំមានប្រវែង១៥សង្ទីម៉ែត្រ ចេញពីសួតរបស់ស្ដ្រីអាយុ១៩ឆ្នាំម្នាក់ បន្ទាប់ពីឈ្លើងបានចូលទៅរស់នៅក្នុងនោះរយៈពេលប្រហែល២ខែ ។ស្ដ្រីដែលសុំមិនបញ្ចេញឈ្មោះម្នាក់នេះជា អ្នកស្រុកទួងដួង (Tuong Duong) ហើយរឿងរ៉ាវ នេះបានចុះផ្សាយនៅលើវ៉េបសាយរបស់គណបក្សកុំមុយនីស្ដវៀតណាម កាលពី ថ្ងៃទី២៤ កុម្ភៈ ។ កាលពីដើមឆ្នាំកន្លងមក ខណៈពេលកំពុងធ្វើការក្នុងចំការរបស់ក្រុមគ្រួសារស្ដ្រីរងគ្រោះម្នាក់ នេះបានទៅដងទឹកក្នុងស្ទឹងដែលនៅក្បែរនោះផឹក លុះក្រោយមកក៏មានអារម្មណ៍ឈឺក្នុងបំពង់.ក និងឈឺ ដេញមកដល់ដើមទ្រូង ដែលអាការៈនេះចេះ តែធ្ងន់ធ្ងរទៅៗ ហើយក្រុមគ្រួសារក៏បាននាំនាងមកមន្ទីរពេទ្យស្រុកដើម្បីព្យាបាល ពេលគ្រូពេទ្យពិនិត្យស្រាប់តែឃើញឈ្លើងនៅក្នុងសួតរបស់នាង ។
ក្រោយពីដឹងថាមានឈ្លើង នៅក្នុងសួតស្ដ្រីរងគ្រោះត្រូវបានបញ្ជូនទៅកាន់មន្ទីរពេទ្យអានថាយ (An Thai) ហើយកាលពីថ្ងៃអង្គារ ទី២៣ កុម្ភៈកន្លងមក ក្រុមគ្រូពេទ្យបានធ្វើការវះកាត់យកឈ្លើងចេញពីក្នុងសួតរបស់ស្ដ្រី នោះបានដោយជោគជ័យ ។ចាត់ទុកថាជារឿងគួរឱ្យញញើតបំផុត ខណៈមានឈ្លើងដ៏ធំដែលដងខ្លួនរបស់វាមានប្រវែងដល់ទៅ១៥សង្ទីម៉ែត្រ នៅក្នុងសួត របស់មនុស្សបែបនេះ ដែលហេតុការណ៍នេះ ត្រូវបានគេចាត់ទុកថា ជារឿងមួយដែលកម្រជួបប្រទះបំផុតនៅលើពិភពលោក ។
0 comments:
Post a Comment