this is phnompenh: 2010

Friday, February 26, 2010

បិទការធ្វើចរាចរលើមហាវិថីកម្ពុជាក្រោម១ថ្ងៃ

ប្រភពៈ កាសែតកោះសន្តិភាព
អ្នកនិពន្ធៈ កោះឯករាជ្យ

ចេញផ្សាយ ថ្ងៃ ព្រហស្បតិ៍ ទី ២៥ ខែ កុម្ភៈ ឆ្នាំ ២០១០

រាជធានីភ្នំពេញ ៖ ព្រឹកថ្ងៃទី២៥កុម្ភៈ អាជ្ញាធររាជធានីភ្នំពេញ បានប្រកាសបិទការធ្វើចរាចរលើដងមហាវិថីកម្ពុជាក្រោមរយៈពេល១ថ្ងៃ គឺនឹងបើកដំណើរការចរាចរវិញនៅថ្ងៃទី២៦ កុម្ភៈ មូលហេតុមន្ដ្រីជំនាញយកកំណាត់មហាវិថីនេះរៀបចំដាក់ប្រព័ន្ធលូមេ បង្ហូរទឹកដែលមានខ្សែបណ្ដាញតភ្ជាប់ទៅប្រឡាយបឹងសាឡាង ។
តាម សហការីព័ត៌មានកោះសន្ដិភាពប្រាប់ឱ្យដឹងថា មហាវិថីកម្ពុជាក្រោមនេះត្រូវបានបិទការធ្វើចរាចរតាំងពីយប់ថ្ងៃទី ២៤ កុម្ភៈ ម្ល៉េះដើម្បីសំរុកធ្វើបណ្ដាញលូមេឱ្យឆាប់ហើយ ។ ការបិទចរាចរលើមហាវិថីកម្ពុជាក្រោមនេះ មិនមែនបិទខ្សែផ្លូវកម្ពុជាក្រោម ទាំងស្រុកនោះទេ គឺបិទជាកំណាត់ៗប៉ុណ្ណោះ ដែលចាប់ពីភ្លើងស្ដុបវិទ្យាល័យសន្ធរម៉ុក កែងផ្លូវម៉ៅសេទុង ទៅដល់ចំណុចកែងផ្លូវ ១៣៣ សង្កាត់ផ្សារដេប៉ូ ខណ្ឌទួលគោក ។

Read Full story...

អាប់ភីស៊ីតថាដាច់ខាតមិនលើកលែងទោសថាក់ស៊ីន ក្រុមអាវក្រហមប្ដេជ្ញាទម្លាក់អាប់ភីស៊ីតរយៈពេល១អាទិត្យ

ប្រភពៈ កាសែតកោះសន្តិភាព
អ្នកនិពន្ធៈ កោះឯករាជ្យ
ចេញផ្សាយ ថ្ងៃ ព្រហស្បតិ៍ ទី ២៥ ខែ កុម្ភៈ ឆ្នាំ ២០១០

យោងតាមព័ត៌មានដែល ចេញផ្សាយតាមគេហទំព័រកាសែតបាងកកប៉ុស្ដិ៍របស់ថៃជាភាសាអង់គ្លេសនៅ ថ្ងៃទី២៤ ខែកុម្ភៈ បានដកស្រង់សំដីលោកអាប់ភីស៊ីត វ៉េចាជីវ៉ា នាយករដ្ឋមន្ដ្រីថៃ ដែលបានថ្លែងកាលពីថ្ងៃទី២៣កុម្ភៈ ថា គ្មានផ្លូវលើកលែងទោសដល់លោកថាក់ស៊ីនឡើយ ទោះជាមានការលើកឡើងថា ការលើកលែងទោសជាកាយវិការនាំឱ្យមានការផ្សះផ្សាក៏ដោយ។

លោកអាប់ភីស៊ីត បានថ្លែងទៀតថា ប្រសិនបើចង់ឱ្យមានការលើកលែងទោសលោកថាក់ស៊ីន ត្រូវតែគោរពប្រព័ន្ធយុត្ដិធម៌ជាមុនសិន។ នេះជាលើកទី២ហើយ ដែលលោកអាប់ភីស៊ីតបដិសេធមិនលើកលែងទោសដល់លោកថាក់ស៊ីន។ តាមប្រភពព័ត៌មានដដែលឱ្យដឹងទៀតថា លោកនាយករដ្ឋមន្ដ្រីអាប់ភីស៊ីតបានថ្លែងថា “ប្រសិនបើលោកថាក់ស៊ីនគោរពនីតិរដ្ឋ អាចមានការចរចាគ្នា ហើយបើលោកមិនគោរពនីតិរដ្ឋផង ការចរចាអាចធ្វើឡើងយ៉ាងដូចម្ដេចទៅកើត”។

ប្រភពព័ត៌មានដដែលបានផ្សាយថាកាលពីថ្ងៃទី២២ កុម្ភៈ លោក ថាក់ស៊ីន បានថ្លែងតាមបណ្ដាញទំនាក់ទំនងវីដេអូលីងទៅកាន់អ្នកគាំទ្ររបស់លោក ថា រូបលោកចង់ចរចាជាមួយរដ្ឋាភិបាល។ លោកថាក់ស៊ីនបានថ្លែងទៀតថា ប្រទេសថៃនឹងធ្លាក់ចូលក្នុងភាពចលាចលចៀសមិនផុតឡើយនៅឆ្នាំនេះ ប្រសិនបើការមិនចុះសំរុងគ្នាមិនត្រូវគេដោះស្រាយឱ្យបានទាន់ពេល ទេនោះ។ ទាក់ទិនទៅនឹងការប្រមូលផ្ដុំរបស់ក្រុមបាតុករអាវក្រហម ប្រឆាំងរដ្ឋាភិបាលលោក អាប់ភីស៊ីតនោះយោងតាមព័ត៌មានដែលចេញផ្សាយតាមគេហទំព័រ Mcot នាថ្ងៃទី២៤ កុម្ភៈ ឱ្យដឹងថា ក្រុមបាតុករអាវក្រហមបានប្រកាសថា ពួកគេនឹងប្រមូលផ្ដុំក្នុងទ្រង់ទ្រាយធំនៅដើមខែមីនាខាងមុខនេះ ដោយរំពឹងថានឹងមានមនុស្សជាង១លាននាក់ចូលរួម។

ក្រុមអាវក្រហមបានសច្ចាថា ពួកគេនឹងផ្ដួលរំលំរដ្ឋាភិបាលលោកអាប់ភីស៊ីតក្នុងរយៈពេល៧ថ្ងៃប៉ុណ្ណោះ។ លោក Jatuporn Prompan មេដឹកនាំក្រុមអាវក្រហមមួយរូបបានថ្លែងថា មេដឹកនាំចលនាក្រុមអាវក្រហមបានជួបប្រជុំនៅថ្ងៃទី ២៤ កុម្ភៈ ដើម្បីកំណត់ពីយុទ្ធសាស្ដ្រដើម្បីផ្ដួលរំលំរដ្ឋាភិបាលលោកអាប់ភីស៊ី ត។ ការប្រមូលផ្ដុំ ប្រឆាំងរដ្ឋាភិបាលនឹងមិនអូសបន្លាយពេលទៀតឡើយ ប៉ុន្ដែមិនធ្វើនៅថ្ងៃទី២៨ កុម្ភៈ ដូចការរំពឹងទុករបស់រដ្ឋាភិបាលឡើយ។ មេដឹកនាំក្រុមអាវក្រហមរូបនេះ មានជំនឿយ៉ាងមុតមាំថាក្នុងការប្រមូលផ្ដុំលើកនេះ ក្រុមអាវក្រហមនឹងត្រូវតែផ្ដួលរំលំរដ្ឋាភិបាលរបស់លោកអាប់ភីស៊ី តឱ្យខាងតែបាន ក្នុងរយៈពេលតែ៧ថ្ងៃប៉ុណ្ណោះ។ លោក Jatuporn បញ្ជាក់ថា បាតុករអាវក្រហម១លាននាក់ប្រើប្រាស់រថយន្ដកាំមីញ៉ុងចំនួន១០០.០០០ គ្រឿង នឹងប្រមូលផ្ដុំគ្នានៅកន្លែងសំខាន់ៗ ដូចជានៅ Sanam Luang ក្នុងទីក្រុងបាងកក និងនៅបរិវេណខាងមុខវិមាន Royal Plaza ជាដើម។

កាលពីពេលថ្មីៗកន្លងមក ក្រុមអាវក្រហមបានប្រមូលផ្ដុំគ្នារប៉េះរប៉ោះប្រឆាំងរដ្ឋាភិបាលលោក អាប់ភីស៊ីត មុនពេលចូលដល់កាលបរិច្ឆេទនៃការចេញសាលក្រម របស់តុលាការកំពូលអំពីករណីរឹបអូសទ្រព្យសម្បត្ដិដែលត្រូវបង្កករបស់ លោក ថាក់ស៊ីននៅថ្ងៃទី២៦ ខែកុម្ភៈ។ ទន្ទឹមពេលគ្នានេះ លោកនាយករដ្ឋមន្ដ្រីអាប់ភីស៊ីត បានធានាចំពោះសាធារណជនថៃសាជាថ្មីម្ដងទៀតថា រដ្ឋាភិបាលរបស់លោកអាចដោះស្រាយស្ថានការណ៍បានដោយមិនចាំបាច់ ប្រើប្រាស់ច្បាប់សន្ដិសុខពិសេសឡើយ។ ទោះជាយ៉ាងណាក្ដីលោកសង្កត់ធ្ងន់ថា លោកមិនអោនក្បាលចំពោះការគំរាមកំហែងណាមួយឡើយ ។

ថាក់ស៊ីន សុំស្លាប់នៅលើទឹកដីថៃ

តាមគេហទំព័រកាសែតឌឹណេសិន ផ្សាយថ្ងៃទី២៤ ខែកុម្ភៈ បានដកស្រង់សំដីលោក ថាក់ស៊ីន ស៊ីណាវ៉ាត្រា អតីតនាយករដ្ឋមន្ដ្រីថៃ កាលពីយប់ថ្ងៃអង្គារ ទី២៣ កុម្ភៈ ថា លោកបានអំពាវនាវសុំឱកាសសំរាប់ថ្ងៃចុងក្រោយរបស់លោកនៅក្នុងប្រទេស ថៃ។ លោកថាក់ស៊ីន បានថ្លែងថាលោកបានត្រៀមខ្លួនរួចរាល់ហើយដើម្បីពិភាក្សាជាមួយ រដ្ឋាភិបាលថៃ បច្ចុប្បន្នដើម្បីផលប្រយោជន៍ប្រទេសជាតិ។ លោកអតីតនាយករដ្ឋមន្ដ្រីថៃរូបនេះ បានថ្លែងតាមកម្មវិធីវិទ្យុដែលដំណើរការតាមប្រព័ន្ធអ៊ីនធើរណេ តរបស់លោកថា “ខ្ញុំមិនចង់ស្លាប់នៅប្រទេសណាផ្សេងក្រៅពីប្រទេសថៃឡើយ គឺខ្ញុំចង់ត្រឡប់ទៅស្លាប់នៅប្រទេសរបស់ខ្ញុំវិញ”។ លោកមានឆន្ទៈបំរើប្រទេសជាតិក្នុងតួនាទីអ្វីក៏បាន ទោះបីជាមិនបានក្លាយជានាយករដ្ឋមន្ដ្រីវិញក៏ដោយ។ លោកថ្លែងថា “សូមឱ្យខ្ញុំដឹងពីអ្វីដែលអ្នកចង់ឱ្យខ្ញុំធ្វើ។ ខ្ញុំនៅតែអាចផ្ដល់ផលប្រយោជន៍ដល់ប្រទេស ទោះបីជាខ្ញុំមិនមែនជានាយករដ្ឋមន្ដ្រីក៏ដោយ។ មិនតែប៉ុណ្ណោះខ្ញុំអាចបង្កើតមូលនិធិដែលមានប្រាក់រាប់រយពាន់លានបាត ដែលចូលរួមផ្ដល់ជាវិភាគទាន ដោយមិត្ដភក្ដិរបស់ខ្ញុំដែលសុទ្ធតែជាមហាសេដ្ឋី”។ នៅក្នុងការអំពាវនាវសុំឱ្យមានការផ្សះផ្សាគ្នា លោកថាក់ស៊ីន បានប្រៀបធៀបប្រទេសថៃទៅនឹងនាវាមួយដែលកំពុងស្ថិតនៅក្នុងព្យុះ ភ្លៀងយ៉ាងខ្លាំងដោយលោកថ្លែងថា “ប្រសិនបើនាវាអាចគេចផុតពីការបំផ្លិចបំផ្លាញនៅក្នុងព្យុះ ហើយទៅដល់កោះត្រើយ អ្នកដំណើរតាមនាវានោះនឹងមានសុវត្ថិភាព។ នៅពេលនៅក្នុងសមុទ្រ អ្នកដំណើរនៅលើនាវាគួរតែកុំឈ្លោះគ្នា បើមិនដូច្នេះទេនាវានឹងក្រឡាប់មិនខាន”។ លោកថាក់ស៊ីន បានថ្លែងដូច្នេះ គឺចង់មានន័យថា នៅពេលប្រទេសកំពុងស្ថិតក្នុងភាពវឹកវរ ថ្នាក់ដឹកនាំគួរតែកុំមានបញ្ហាជាមួយគ្នា បើមិនដូច្នេះទេប្រទេសនឹងកើតមានសង្គ្រាមចៀសមិនផុតឡើយ ។

អានុពង្ស ផាវចិន្ដា ប្រកាសទប់ទល់បាតុករ

លោកអានុពង្ស ផាវចិន្ដា ប្រកាសថា កងទ័ពមិនធ្វើរដ្ឋប្រហារទេ កងទ័ពជាឧបករណ៍របស់រដ្ឋាភិបាលក្នុងការថែរក្សាសន្ដិសុខប្រទេសនិងជឿថា នៅថ្ងៃទី២៦ កុម្ភៈ ខាងមុខនេះនឹងគ្មានសង្គ្រាមស៊ីវិលឡើយ។ លោកបានកោតសរសើរលោកអាប់ភីស៊ីតថា ស័ក្ដិសមនឹងតំណែងជានាយករដ្ឋមន្ដ្រី។ ស្របពេលជាមួយគ្នានេះក៏មានដំណឹងថា ក្រុមអាវក្រហមប្រកាសថា នឹងប្រមូលក្រុមអាវក្រហមគ្រប់ខេត្ដនៅទូទាំងប្រទេសធ្វើដំណើរចូល ទៅក្រុងបាងកកនៅថ្ងៃទី១២ មីនា ដើម្បី ធ្វើបាតុកម្មដ៏ធំមួយបណ្ដេញនាយករដ្ឋមន្ដ្រីថៃ លោកអាប់ភីស៊ីត វ៉េចាជីវ៉ា នៅថ្ងៃទី១៤ មីនា។ លោកឧត្ដមសេនីយ៍អានុពង្ស ផាវចិន្ដា មេបញ្ជាការកងទ័ពជើងគោក បានបញ្ជាក់ប្រាប់កាសែត “ឌឹណេស្សិន” (NATION) ពីសកម្មភាពរបស់ក្រុមអាវក្រហមដែលគ្រោងតវ៉ានៅថ្ងៃទី២៦ កុម្ភៈ ពាក់ព័ន្ធនឹងការកាត់ក្ដីរឹបអូសទ្រព្យសម្បត្ដិ ៧,៦ម៉ឺនលានបាតរបស់លោកថាក់ស៊ីន ស៊ីណាវ៉ាត្រា អតីតនាយករដ្ឋមន្ដ្រីថា “ក្នុងថ្ងៃទី២៦ កុម្ភៈ ខ្ញុំស្ថិតនៅក្នុងក្រុងបាងកកមិនចាកចេញទៅណាឡើយ” ។ បច្ចុប្បន្នបានរៀបចំកំលាំងទ័ព ចំនួន២០០នាក់ ចេញប្រតិបត្ដិការជាមួយប៉ូលិស ជាពិសេសនៅត្រង់ចំណុចត្រួតពិនិត្យផ្សេងៗ ដូចដែលមានការប្រជុំរបស់គណៈកម្មការសន្ដិសុខជាតិកាលពីសបា្ដហ៍មុន។ លោកឧត្ដមសេនីយ៍មេទ័ពរូបនេះថ្លែងឱ្យដឹងថា “ខ្ញុំគិតថាក្នុងថ្ងៃទី២៦ កុម្ភៈ នោះ ហេតុការណ៍មិនរាលដាល និងគ្មានសង្គ្រាមស៊ីវិលទេ ព្រោះកងទ័ពមានឧបករណ៍ប្រើប្រាស់ក្នុងការបង្ក្រាប បើសិនស្ថានការណ៍ធ្ងន់ធ្ងររដ្ឋាភិបាលគ្រប់គ្រងមិនបាន យើងនឹងចេញជួយអន្ដរាគមន៍បាន” ។ សំរាប់ការពិចារណារឿងក្ដីរបស់លោក ថាក់ស៊ីន ស៊ីណាវ៉ាត្រា ចេញមកក្នុងលទ្ធផលបែបណានោះ លោកអានុពង្ស ផាវចិន្ដា បច្ចុប្បន្នមានមនុស្សជាច្រើនធ្វើការវិភាគដល់ទៅ៣ករណី ដោយករណីដំបូង (ទី១) គឺការ រឹបអូសទ្រព្យទាំងអស់។ ករណីទី២ រឹបអូសទ្រព្យមួយចំនួន និងករណីទី៣ មិនរឹបអូស។ ចំពោះករណីទាំង៣ខាងលើ លោកអានុពង្ស បានគូសបញ្ជាក់ថា ខ្លួនមិនទាន់បានដឹងច្បាស់ទោះជាបែបណាក្ដី បញ្ហាខាងលើជាតួនាទីរបស់តុលាការដែលត្រូវធ្វើទៅតាមច្បាប់ មិនអាចធ្វើការវិភាគបានឡើយ។ ការចេញមុខប្រកាសរបស់មេទ័ពជើងគោកថៃនេះបានបង្ហាញច្បាស់ថា មានភាពលំអៀងបាត់ទៅហើយ ដែលកាលពីឆ្នាំកន្លងទៅក្នុងរដ្ឋាភិបាលលោកសាម៉ាក់ និងលោក ស៊ុមឆាយ ពួកបាតុករអាវលឿងបានបង្កឱ្យសង្គមច្របូកច្របល់ហើយក៏មានការបញ្ជា ឱ្យមេទ័ពរូបនេះជួយដល់រដ្ឋាភិបាល ក្នុងការស្ដារស្ថិរភាពឡើងវិញផងដែរតែខាងទាហានធ្វើព្រងើយ។ លុះដល់ពេលនេះអានុពង្សចេញមុខប្រកាសបង្ក្រាបក្រុមបាតុករអាវក្រហម ទៅវិញ។

Read Full story...

Thursday, February 25, 2010

លោក ហ៊ុន សែន ប្រាប់ថៃថាលោកនឹងចុះសួរសុខទុក្ខកងទ័ពសាជាថ្មី

ប្រភពៈវិទ្យុបារាំងអន្តរជាតិជាខេមរភាសារ(RFI)
ដោយ លាង ដឺលុច
អត្ថបទចុះផ្សាយកាលពីថ្ងៃទី 24/02/2010 កែប្រែលើកចុងក្រោយកាលពីថ្ងៃទី 25/02/2010 07:33 ម៉ោងសកល

ប្រមុខរដ្ឋាភិបាលកម្ពុជាលោក ហ៊ុន សែន បានព្រមានថ្នាក់ដឹកនាំទីក្រុងបាងកកនៅថ្ងៃនេះ មិនអោយបញ្ចេញប្រតិកម្មផ្តេសផ្តាសទៅលើដំណើរសួរសុខទុក្ខកងទ័ពលើកទី ២នៅខេត្តបាត់ដំបងនៅចុងសប្តាហ៍នេះ។ លោកនាយករដ្ឋមន្ត្រីក៏បង្ហើបអោយដឹងផងដែរថា ទាហានកម្ពុជានឹងធ្វើសមយុទ្ធមួយនៅដើមខែមិនាក្រោយនេះ។ ទាំងការសួរសុខទុក្ខទាហានតាមកងពល និងទាំងសមយុទ្ធយោធា លោក ហ៊ុន សែន បានបញ្ជាក់ថា គឺជាសកម្មភាពធម្មតារបស់កម្ពុជា។

លោក ហ៊ុន សែន ព្រមានថៃមិនឲ្យបញ្ចេញប្រតិកម្មផ្តេសផ្តាស លើដំណើរចុះសួរសុខទុក្ខទាហាននៅបាត់ដំបង

នៅថ្ងៃសៅរ៍ចុងសប្តាហ៍នេះ លោកនាយករដ្ឋមន្ត្រី ហ៊ុន សែន នឹងចុះសួរសុខទុក្ខទាហានជាថ្មីម្តងទៀត នៅក្នុងខេត្តបាត់ដំបង។ ជាដំណើរសួរសុខទុក្ខធម្មតា ក្នុងនាមជាប្រមុខរដ្ឋាភិបាល ដូចលោកនាយករដ្ឋមន្ត្រីខ្លួនឯងបានបញ្ជាក់រួចហើយ ហេតុដូច្នេះហើយបានជា លោក ហ៊ុន សែន បានថ្លែងប្រហើរការព្រមានទៅទីក្រុងបាងកក មិនអោយមេដឹកនាំនៅទីនោះ ធ្វើអត្ថាធិប្បាយដែលធ្វើអោយប៉ះពាល់ដល់លោកឡើយ។ វាទំនងជាការព្រមានដើម្បីទប់ស្កាត់មិនអោយមានរឿង ដដែលជាលើកទី២។ ពោលគឺការធ្វើអត្ថាធិប្បាយផ្សេងៗ ពីសំណាក់ថ្នាក់ដឹកនាំរដ្ឋាភិបាលថៃ ដែលពេលខ្លះខុសពីព័ត៌មានជាក់ស្តែងផង។

កាលពីខែមករាមុននេះ នៅពេលលោកនាយករដ្ឋមន្ត្រីចុះសួរសុខទុក្ខកងទ័ពតាមព្រំដែនប្រាសាទ ព្រះវិហារ ថ្នាក់ដឹកនាំរដ្ឋាភិបាលថៃបានធ្វើអត្ថាធិប្បាយរិះគន់លោក ហ៊ុន សែន តាំងពីការស្លៀកពាក់ឯកសណ្ឋានទាហានឡើង។

ទោះយ៉ាងណាក៏ដោយ លោកនាយករដ្ឋមន្ត្រីមិនបានបញ្ជាក់ច្បាស់អំពីប្រតិកម្មរបស់លោកទៅ រដ្ឋាភិបាលថៃនោះទេ ប្រសិនបើមានការអត្ថាធិប្បាយមែននោះ។

ទាហានខ្មែរដែលឈរជើងនៅព្រំដែនខ្មែរថៃ
(រូបថត ៖ សុវណ្ណារ៉ា)

ណើរសួរសុខទុក្ខទាហានសាជាថ្មីរបស់លោកនាយករដ្ឋមន្ត្រី ធ្វើឡើងក្នុងពេលដែលប្រទេសថៃកំពុងតែជួបវិបត្តិនយោបាយផ្ទៃក្នុង និងស្ថានភាពសន្តិសុខកាន់តែផុយស្រួយសម្រាប់រដ្ឋាភិបាលថៃ បច្ចុប្បន្ន។

ទន្ទឹមគ្នានេះ យោងតាមការថ្លែងអោយដឹងរបស់លោកនាយករដ្ឋមន្ត្រីខ្មែរដដែល យោធាកម្ពុជាក៏នឹងគ្រោងធ្វើសមយុទ្ធមួយនៅថ្ងៃទី៤ខែមិនា សប្តាហ៍ក្រោយនេះដែរ ដោយមានប្រើអាវុធធុនធ្ងន់ផង។ លោក ហ៊ុន សែន បានបញ្ជាក់ថា នេះក៏ជាការធ្វើសមយុទ្ធធម្មតារបស់កម្ពុជា ហើយវាមិនមានន័យថា កម្ពុជាចង់បង្អួតសាច់ដុំអ្វីនោះឡើយ៕

Read Full story...

ក្រុមអាវក្រហមឈៀងម៉ៃប្រារឰពិធីបួងសួងជួយលោកថាក់ស៊ីន រួចផុតពីរឿងក្ដីរឹបអូសទ្រព្យសម្បត្ដិជាង២ពាន់លានដុល្លារថ្ងៃនេះ

ប្រភពៈ កាសែតកោះសន្តិភាព
អ្នកនិពន្ធៈ កោះឯករាជ្យ
ចេញផ្សាយ ថ្ងៃ ព្រហស្បតិ៍ ទី ២៥ ខែ កុម្ភៈ ឆ្នាំ ២០១០

(រូបថត កាសែតថៃ)
ក្រុមអាវក្រហមឈៀងម៉ៃប្រារឰពិធីបួងសួង

កាសែតថៃកាលពីថ្ងៃទី ២៥ កុម្ភៈ ឱ្យដឹងថា លោកថាក់ស៊ីន ស៊ីណាវ៉ាត្រា អតីតនាយករដ្ឋមន្ដ្រីថៃ បានថ្លែងបញ្ជាក់ក្នុងវ៉េបសាយរបស់លោកថា រយៈពេល១ថ្ងៃទៀតប្រហែលជាបានដឹងពីក្រុមគ្រួសារដែលមានប្រាក់ជាង៦ ម៉ឺនលានបាត កាលពី១៧ឆ្នាំមុន ដោយបានជាប់លំដាប់ថ្នាក់ក្នុងទស្សនាវដ្ដីហ្វប់ (Forbes) តើអាចនឹងត្រឡប់ទៅរកភាពក្រីក្រទៀតឬយ៉ាងណា? លោកមានក្ដីសង្ឃឹមថារយៈពេល១ថ្ងៃទៀត នឹងបានទទួលភាពយុត្ដិធម៌។ មួយថ្ងៃទៀតប្រហែលជាដឹងថា អ្វីនឹងកើតឡើង? ដូច្នេះរដ្ឋាភិបាលមិនចាំបាច់ជំរុញពីបញ្ហានេះទេ ព្រោះជារឿងរបស់តុលាការ ប៉ុន្ដែរដ្ឋាភិបាលចុងក្រោយនេះ មានជើងការជំរុញដ៏ពិសេសដោយប្រើប្រាស់បណ្ដាញផ្សព្វផ្សាយរបស់រដ្ឋ ធ្វើជាឈ្នាន់ផ្នែកនយោបាយ ។

ទោះបីជាយ៉ាងណាក៏ដោយទាក់ទិននឹងស្ថានភាពនៃការ កាត់ក្ដីរឹបអូសទ្រព្យនោះ លោកថាក់ស៊ីន ស៊ីណាវ៉ាត្រា នៅមានក្ដីបារម្ភខ្លះដែរ។ លោកនិយាយថា លោកគ្មានកំហុសហើយថា ក្នុងមួយជីវិតនេះធ្វើតែរឿងល្អ ។
ប្រភពដដែលឱ្យដឹងថា នៅមុនពេលបើកសវនាការកាត់ក្ដីរឹបអូសទ្រព្យសម្បត្ដិ៧,៦ម៉ឺនលានបាត នៅថ្ងៃទី២៦ កុម្ភៈ នេះ ក្រុមអាវក្រហមនៅខេត្ដឈៀងម៉ៃ បានរៀបចំការជួបជុំគ្នាមួយសំរាប់ប្រារឰពិធីបួងសួងដល់វត្ថុ ស័ក្ដិសិទ្ធិជួយជ្រោមជ្រែងលោកថាក់ស៊ីន ឱ្យរួចផុតពីរឿងក្ដីរឹបអូសទ្រព្យសម្បត្ដិ៧,៦ម៉ឺនលានបាត ។

Read Full story...

គ្រូពេទ្យវៀតណាមវះយកឈ្លើងចេញពីក្នុងសួតអ្នកជំងឺ

ប្រភពៈ កាសែតកោះសន្តិភាព
អ្នកនិពន្ធៈ កោះឯករាជ្យ
ចេញផ្សាយ ថ្ងៃ ព្រហស្បតិ៍ ទី ២៥ ខែ កុម្ភៈ ឆ្នាំ ២០១០

រូបភាពពីវ៉េបសាយបរទេស
ឈ្លើងដ៏ធំដែលដងខ្លួនរបស់វាមានប្រវែងដល់ទៅ១៥សង្ទីម៉ែត្រ

ក្រុមវេជ្ជបណ្ឌិតនៅមន្ទីរពេទ្យមួយស្ថិតក្នុងខេត្ដង៉ែអាន (Nghe An) ភាគកណ្ដាលប្រទេសវៀតណាម បានធ្វើការវះកាត់យកឈ្លើងខ្នាតធំមានប្រវែង១៥សង្ទីម៉ែត្រ ចេញពីសួតរបស់ស្ដ្រីអាយុ១៩ឆ្នាំម្នាក់ បន្ទាប់ពីឈ្លើងបានចូលទៅរស់នៅក្នុងនោះរយៈពេលប្រហែល២ខែ ។ស្ដ្រីដែលសុំមិនបញ្ចេញឈ្មោះម្នាក់នេះជា អ្នកស្រុកទួងដួង (Tuong Duong) ហើយរឿងរ៉ាវ នេះបានចុះផ្សាយនៅលើវ៉េបសាយរបស់គណបក្សកុំមុយនីស្ដវៀតណាម កាលពី ថ្ងៃទី២៤ កុម្ភៈ ។ កាលពីដើមឆ្នាំកន្លងមក ខណៈពេលកំពុងធ្វើការក្នុងចំការរបស់ក្រុមគ្រួសារស្ដ្រីរងគ្រោះម្នាក់ នេះបានទៅដងទឹកក្នុងស្ទឹងដែលនៅក្បែរនោះផឹក លុះក្រោយមកក៏មានអារម្មណ៍ឈឺក្នុងបំពង់.ក និងឈឺ ដេញមកដល់ដើមទ្រូង ដែលអាការៈនេះចេះ តែធ្ងន់ធ្ងរទៅៗ ហើយក្រុមគ្រួសារក៏បាននាំនាងមកមន្ទីរពេទ្យស្រុកដើម្បីព្យាបាល ពេលគ្រូពេទ្យពិនិត្យស្រាប់តែឃើញឈ្លើងនៅក្នុងសួតរបស់នាង ។

ក្រោយពីដឹងថាមានឈ្លើង នៅក្នុងសួតស្ដ្រីរងគ្រោះត្រូវបានបញ្ជូនទៅកាន់មន្ទីរពេទ្យអានថាយ (An Thai) ហើយកាលពីថ្ងៃអង្គារ ទី២៣ កុម្ភៈកន្លងមក ក្រុមគ្រូពេទ្យបានធ្វើការវះកាត់យកឈ្លើងចេញពីក្នុងសួតរបស់ស្ដ្រី នោះបានដោយជោគជ័យ ។ចាត់ទុកថាជារឿងគួរឱ្យញញើតបំផុត ខណៈមានឈ្លើងដ៏ធំដែលដងខ្លួនរបស់វាមានប្រវែងដល់ទៅ១៥សង្ទីម៉ែត្រ នៅក្នុងសួត របស់មនុស្សបែបនេះ ដែលហេតុការណ៍នេះ ត្រូវបានគេចាត់ទុកថា ជារឿងមួយដែលកម្រជួបប្រទះបំផុតនៅលើពិភពលោក ។

Read Full story...

វាសនា សយ សុភាព

កាលពីម្សិលមិញ Phnompenh2727 បានចុះផ្សាយ នូវអត្ថបទមួយដែលមានចំណងជើងថា សយ សុភាព ខ្ទាតចេញពី CTN មានមហាប្រិយមិត្តយើង ទស្សនាយ៉ាងច្រើនអនេកអនន់ ហើយល៏សួរថា តើលោក សយ សុភាព យ៉ាងណាហើយ? ថ្ងៃនេះ ខ្ញុំសុំប្រាប់ប្រិយមិត្តត្រួសៗដូចខាងក្រោមនេះថា ៖

ស្ថានីយទូរទស្សន៍CTN ល្បីទូទាំងប្រទេស ជាប់ចំណាត់ថ្នាក់លេខ១ លើ ផ្នែករូបភាពច្បាស់ល្អ ពត៌មានទាន់ហេតុការណ៍ កម្មវិធីសំបូរបែបទាំងផ្នែកកំសាន្ត និង ចំណេះដឹង ចំណែកលោក សយ សុភាព លេចមុខលេខមាត់ល្បីដោយសារ ទី១-លោកជាអ្នកផ្សះផ្សារ ការចងសម្ព័ន្ធភាព នៃការបង្កើតរដ្ឋាភិបាល ក្រោយការបោះឆ្នោត។ ទី-២ ចេញមុខអន្តរាគមន៍ដល់ប្រជារាស្រ្តក្រីក្រ ដែលត្រូវគេរំលោភយកដី និងរឿងអយុត្តិធម៌ផ្សេងៗ ក្រោយមកត្រូវបានសម្តេចតេជោ តែងតាំងជាទីប្រឹក្សារាជរដ្ឋាភិបាល។ ទី៣-ពូកែ ជេសៀម ឈាមលឿង អាប់ភីស៊ីត ក្ស័យជីវ៉ា នាយករដ្ឋមន្រ្តីសៀម គ្រប់គ្រងចោរលួច ចោរឆក់ ចោរប្លន់ និងចោរក្លែងបន្លំ ទូទាំងប្រទេសសៀម និង អាក្សឺតភារម្យពុលម៉ា រដ្ឋមន្ត្រីក្រសួងការបរទេសសៀម មានតួនាទី ផ្តល់ម៉ាឲ្យពួកចោរឈាមលឿងជក់ ស៊ី សប្បាយ ក្អាកក្អាយ ពុលពេញព្រលានយន្តហោះ សុវណ្ណភូមិ កន្លងមក ត្រូវបានអ្នកកាសែត ផ្តាច់ព្រលឹង សយ សុភាព ជេព្រឹក ជេល្ងាច ឲ្យតែចាប់ក្បាលមេក្រូបាន គឹ ពឺតជាន់១០០ៗ !

លោក សយ សុភាព បានបង្ហាញមុខមន្ត្រីទំនើង ក្មេងទំនើង ឈ្មួញទំនើង នានា តាមកញ្ចក់ទូរទស្សន៍ ឲ្យសម្តេចតេជោ និង ប្រជាជនខ្មែរបានដឹងពីទង្វើអាក្រក់របស់ពួកគេ ជាមួយចំនួនដ៏ច្រើនលើសលប់ អំពើល្អបែបនេះ ប្រជាជនទូទាំងព្រះរាជាណាចក្រកម្ពុជា ទះដៃអបអរសារទរ គ្រប់ច្រកល្ហក គួរឲ្យមោទនភាពណាស់។
ទូទាំងប្រទេសខ្មែរ គ្រាន់តែលឺឈ្មោះ សយ សុភាព អ្នកកាសែតក្រោមដើមអម្ពិលអ្នកណាៗក៏ដឹងថា គឺជាវីរបុរសអ្នកសារពត៌មានដែរ ។ ចាប់តាំងពីលេចមុខលេខមាត់ក្នុង CTN មក លោកសយ សុភាព ហាក់ដូចជាមានដាវទិព្វក្នុងដៃ ប្រហារជីវិត មុនកាត់ក្តី ចំពោះមន្រ្តីទំនើង ក្មេងទំនើង ឈ្មួញទំនើង ។ល។និង។ល។

ដោយសារប្រជាប្រិយភាពល្បីខ្ទរខ្ទារពេញអាណាចក្រខ្មែរ ក្រោយមកក៏មានពាក្យចរចាមអារ៉ាមថា លោក សយ សុភាព តែងតែជំរិតយកលុយ ពីអ្នកនេះ អ្នកនោះ បើមិនបានប៉ុណ្ណេះ គឺចុះផ្សាយក្នុងទូរទស្សន៍មិនខាន។ ឩទាហរណ៍ ៖ ក្រសួងមួយបានដាក់លក់ដេញថ្លៃនូវ សំភារៈបរិក្ខាមួយចំនួនដែលជិតខូចគុណភាព ស្រាប់តែលោក សយ សុភាព ចុះផ្សាយថា លោកប្រធាននាយកដ្ឋាន (ក) ឈ្មោះ A បានលក់ទ្រព្យសម្បត្តិរដ្ឋ រួចយកលុយដាក់ចូលហោប៉ៅខ្លួនឯងSIC ។ តាមការពិត ឈ្មោះ A មិនមែនជាប្រធាននាយកដ្ឋាន(ក)ទៀតទេ គាត់បានផ្លាស់ប្តូរទៅធ្វើប្រធាននាយកដ្ឋាន (ខ)តាំងពី១ឆ្នាំមុនម្លេះ ហើយក្នុងអំឡុងពេលដាក់លក់ដេញថ្លៃ ឈ្មោះ A នេះក៏មិនស្ថិតនៅស្រុកខ្មែរ ដែរ គឺ លោក ជាប់ទៅរៀនជំនាញនៅបរទេសរយៈពេលវែង ហើយលោកសយ សុភាព ចុះផ្សាយក្នុងកាសែតថា ទូរស័៏ព្ទលោកA មិនមានអ្នកទទួល ព្រោះដឹងថា ជាលេខអ្នកកាសែតគេមិនលើក ដូច្នេះ អ្វីដែលលោក សយ សុភាព បានចុះផ្សាយគឺគ្មានប្រភពច្បាស់លាស់ គ្រាន់តែលឺពាក្យចរចាមអារ៉ាម គឺចុះផ្សាយតែម្តង មិនមែនមានតែមួយរឿងនេះទេ គឺនៅមានច្រើនរឿងទៀត ដែលលោក សយ សុភាព ធ្វើដើម្បីប្រជាប្រិយភាពខ្លួន តែប៉ះពាល់ដល់កិត្តិយស មន្ត្រីដែលស្អាតស្អំ។ ពាក្យចាស់លោកពោលថា ធ្វើល្អ100ដងគេមិនឃើញ តែបើអាក្រក់1ដងវិញ ស្អុយពេញប្រទេស។

ពីមួយថ្ងៃទៅមួយថ្ងៃ ស្ថាប័នដែល លោក សយ សុភាព យកមកចុះផ្សាយក្នុងCTN និងកាសែតដើមអម្ពិល គឺមិនត្រឹមត្រូវដូចការពិតនោះទេ ធ្វើឲ្យមានប្រតិកម្មដល់អគ្គនាយកទូរទស្សន៍ CTN និង មន្រ្តីក្នុងជួររដ្ឋាភិបាលអស់ជំនឿលើលោក សយ សុភាព។

CTN ថ្វីត្បិតតែមានថៅកែ ជាលោក គិត ម៉េង តែក៏មានម្ចាស់ភាគហ៊ុន ជាច្រើនទៀតជាជនជាតិបរទេស ដែលពួកគេមិនពេញចិត្តទៅនឹងទង្វើរបស់ លោក សយ សុភាព។ ខ្ញុំគិតថា អ្នកដែលស្អប់លោក សយ សុភាព ភាគច្រើនជាមន្រ្តីទំនើង បើខ្លួនគ្មានរឿងជាប់ខ្លួនទេ ក៏អ្នកកាសែតមិនទៅរកដែរ ធម្មតាទេ គោដំបៅខ្នង ក្អែកហើររំលង រំសាយកន្ទុយ។

ដើមឆ្នាំ 2010 លោក សយ សុភាព រកស៊ីមានបាន មានឡាន មានលុយ មានកាសែតដើមអម្ពិល វិទ្យុដើមអម្ពិល គេហទំព័រដើមអម្ពិល សមាគមស្រូវមាស និងជំនួញក្រៅម៉ោងផ្សេងទៀត។ លោក សយ សុភាព ចាកចេញ ពី CTN ទៅកាន់ស្ថានីយ៍ទូរទស្សន៍បាយ័ន ដែលមានលោកជំទាវ ហ៊ុន ម៉ាណា ជាអគ្គនាយក រួចបានប្តូរលេខទូរស័ព្ទ ពី 012 មក 097 58 07 223 លេខនេះ ទទួលក្នុងម៉ោងធ្វើការប៉ុណ្ណោះ ផុតម៉ោងធ្វើការ គឺបិតហើយ ធម្មតាទេគេឡើងធំ គឺបែបហ្នឹង ទៅណាមកណា ក៏មានជំនួយការដើរតាម និងមានអ្នកបើកឡានឲ្យផងដែរ ។ លោកភាពក៏មានលេខ 012មួយទៀតដែរ តែរក្សាសិទ្ធមិនប្រាប់ទេ ។

Read Full story...

Tuesday, February 23, 2010

សយ សុភាព ខ្ទាតចេញពីCTN

អ្នកកាសែតមាត់ដាច ចិត្តហ៊ាន មានលុយហូរហៀរ សយ សុភាព បុរសសំដីមុតស្រួចចាក់ទំលុះបេះដួង មន្ត្រី និង ឈ្មួញរកស៊ីទំនើង ដែលធ្លាប់តែល្បីឈ្មោះ ពេញពិភពគុណ ពេលនេះ បានខ្ទាតចេញ ពីស្ថានីយ៍ទូរទស្សន៍ CTN ជាស្ថាពរហើយ។

បើតាមបុគ្គលិក ធ្វើការក្នុងទូរទស្សន៍ CTN បាននិយាយថា លោក សយ សុភាព បានចាកចេញពី CTN យ៉ាងស្ងាត់ស្ងៀមបំផុត ហាក់បីដូចជាខ្មាស់គេពេក ។ គាត់បានបន្តទៀតថា មុនចូលឆ្នាំសកល ២០១០ GM នៅCTN បានកោះហៅប្រជុំថ្នាក់អគ្គនាយក ពីបញ្ហា លោក សយ សុភាព បានដើរធ្វើព្យុះ ធ្វើផ្គរ ស្រេចតែចិត្ត ក្នុងកំណត់ហេតុអង្គប្រជុំបានសរសេរថា “ បុគ្គលិកនេះ បានយកពេលវេលាធ្វើការ និងពត៌មានក្នុងCTN ទៅរកស៊ីបំរើផលប្រយោជន៍ខ្លួន ពត៌មានដែលយកឈ្មោះCTN ទៅស្វែងរកបែរជាយកមកចុះក្នុង កាសែតដើមអម្ពិល ទៅវិញ ដោយមិនសុំការអនុញ្ញាតិពីថ្នាក់លើ ។ មួយវិញទៀត ប្រើពាក្យវាយប្រហារទៅលើមន្រ្តីក្នុងជួររាជរដ្ឋាភិបាល ធ្ងន់ធ្ងរហួសហេតុពេក ភ្លេចពីស្នាដៃបំរើជាតិកន្លងមក ធ្វើមជ្ឈដ្ឋានទូទៅមានការភាន់ច្រលំ និងពេលចុងក្រោយនេះ អ្នកកាសែត សយ សុភាព បានចុះផ្សាយនូវប្រសាសន៍សម្តេច តេជោ ពេលចុះទៅប្រាសាទព្រះវិហារ កន្លងមក ខុសពីការពិត ធ្វើឲ្យខូចឈ្មោះ រាជរដ្ឋាភិបាលខ្មែរ រហូតដល់លោក ខៀវ កាញ្ញាប្ញទ្ធិ ធ្វើសន្និសិទព្រមានទៀតផង តែមិនបញ្ចេញឈ្មោះ សយ សុភាព ទេទុកមុខទុកមាត់ឲ្យ ព្រោះមានងារជាទីប្រឹក្សារាជរដ្ឋាភិបាលផង។

លើកនេះ សយ សុភាព ធ្វើខុសពីវិជ្ជាជីវៈអ្នកសារពត៌មាន ធ្ងន់ធ្ងរណាស់ ដូច្នេះ CTN សំរេចបញ្ចប់ឈ្មោះ សយ សុភាព ចេញពីlist បុគ្គលិក គឺជារឿងសមហេតុផលបំផុត។
ខ្ញុំគិតថា លោក សយ សុភាព បានយកឈ្មោះCTN ទៅរកផលប្រយោជន៍ផ្ទាល់ខ្លួន ជាច្រើនណាស់មកហើយ ដូចជា កាសែតដើមអម្ពិល គេហទំព័រDAP-News វិទ្យុដើមអម្ពិល សមាគមស្រូវមាស និង សាលាឯកជន ។ល។ ទាំងនេះ គឺបានគុណ CTN ជាន់ឆ្លងរំលងភក់ប៉ុណ្ណោះ។

ខ្ញុំមិនដឹងថារឿងរ៉ាវ ដែលបុគ្គលិកម្នាក់ខាងលើនិយាយពិត រឺយ៉ាងណានោះទេ តែខ្ញុំក៏សង្កេតឃើញថា ចាប់តាំងពីលោកសយ សុភាព ទៅអាមេរិក ត្រឡប់មកវិញ មិនឃើញក្នុង CTNដូចមុនទេ។

រឿងពិតយ៉ាងណាមិនទាន់សុំការបំភ្លឺពីលោក សយ សុភាពនៅឡើយទេ ជឿ ឬមិនជឿលោកអ្នកគិតមើលខ្លួនឯងចុះ។

Read Full story...

Friday, February 5, 2010

ដំណឹងបន្ទាន់ ការយាងទៅប្រាសាទព្រះវិហាររបស់តេជោ កែប្រែ

ខុទ្ទការល័យសម្តេចបាន បញ្ជាភ្លាមៗ ដល់បណ្តាមន្ត្រីក្រោមឱវាទ ទាំងអស់ដែលត្រូវចេញទៅប្រាសាទព្រះវិហារ នៅថ្ងៃអាទិត្យនេះ គឺប្តូរមកនៅថ្ងៃសៅរ៍ នេះវិញ នេះតាមការប្រាប់ឲ្យដឹងពីឧត្តមសេនីយ៍ម្នាក់។

ឥឡូវនេះ ក្បួនគណៈប្រតិភូ បានបន្លឺស៊ីរ៉ែន ចេញទៅកាន់ប្រាសាទព្រះវិហារ ចាប់ផ្តើមចេញទៅជាហូរហែរ ហើយ យើងអាចមើលឃើញនៅស្ពានជ្រោយចង្វារ មានឡានគណៈប្រតិភូជាច្រើនចាប់ផ្តើម ចាក់ចេញពីក្រុងភ្នំពេញ យ៉ាងប្រញាប់ប្រញាល់ តាមផ្លូវមានមន្ត្រីនគរបាលឈរការពារទៀតផង អ្វីៗហាក់បីដូចជាលឿនហួសការស្មានរបស់ខ្ញុំ ។
ពេលនេះ មាននគរបាលឈរជើងធ្វើចរាចរម្នាក់បានប្រាប់ មន្រ្តីនគរបាលទាំងអស់ដែលមានខេត្តជាប់ផ្លូវជាតិលេខ ៦ នេះ មាន ខេត្តកណ្តាល កំពង់ចាម កំពង់ធំ សៀមរាប ឩត្តមានជ័យ បានចេញមកធ្វើចរាចរនៅលើដងផ្លូវចាប់ពីថ្ងៃនេះ តទៅ ដើម្បីការពារក្បួនគណៈប្រតិភូ ក៏ដូចជាក្បួនរបស់ប្រជាជន ផងដែរ។ លោកបានបន្តថា នៅគ្រប់ស្នងការដ្ឋានទាំងអស់ បានត្រៀមឡានពេទ្យ ឡានទឹក និងកំលាំងអន្តរាគមន៍ជាច្រើន ២៤មលើ២៤ម ចាប់ពីពេលនេះទៅ ខ្លាចមានគ្រោះថ្នាក់ចៃដន្យអ្វីកើតឡើងនៅតាមដងផ្លូវ។

Read Full story...

Breaking news ប្រជាជនខ្មែរ ក្រោកឡើងធ្វើការបះបោរ ប្រឆាំរដ្ឋាភិបាលសៀម

បន្ទាប់ពីអាប់ភីស៊ីតគំរាមរដ្ឋាភិបាលខ្មែរ ដែលមានសម្តេចតេជោ ជាប្រមុខដឹកនាំប្រទេស ថាមុនឲ្យ សម្តេចតេជោ ចូលក្នុងទឹកដី ត្រួតស៊ីគ្នា 4,6Km2 នៅប្រាសាទព្រះវិហារ បើចង់ចូលទាល់តែសុំច្បាប់ពីអាចោរសៀមសិន ។

ឥឡូវនេះមានចលនាប្រជាជនខ្មែរ នៅទីក្រុងភ្នំពេញ និងតាមបណ្តាខេត្តមួយចំនួន បានក្រោកឈរប្រឆាំងរដ្ឋាភិបាលចោរសៀម អាប់ភីស៊ីតក្ស័យជីវ៉ា ដោយធ្វើដំណើរទៅកាន់ប្រាសាទព្រះវិហារនៅពេលនេះ រហូតដល់ថ្ងៃស្អែក ដើម្បី ទៅ ឈរនៅកន្លែងផ្ទៃដី ដែលសៀមថា 4,6គម២ ជារបស់សៀម ថាតើសៀមធ្វើអ្វីដាក់ពួកគេ ។ក្រុមចលនា មានការចូលរួមពីបណ្តា អ្នកកាសែត លោកសង្ឃ មន្រ្តីរាជការ កសិករ អ្នករកស៊ី និង អ្នកឩកញ៉ា ទៀតផង។

ការធ្វើដំណើររបស់ពួកគេ គឺមានរៀងៗខ្លួន អ្នកខ្លះជួលឡានបឺស អ្នកខ្លះ ជួលឡានតាក់ស៊ី តូចៗ និង អ្នកខ្លះ ប្រើយាន្តជំនិះផ្ទាល់ខ្លួន។
ពួកគេមិនមានអាវុធ រឺ គ្រាប់ផ្ទុះ អ្វីនោះទេ គឺ កាន់តែបដាថា U R FROM YOUNAM ដើម្បីឲ្យអាចោរអាប់ស៊ីត មើល ពីអតីតជាតិវាជាជនជាតិអ្វីប៉ុណ្ណោះ។

Read Full story...

Breaking news ដំណឹងការយាងទៅប្រាសាទព្រះវិហាររបស់សម្តេចតេជោ

ពេលនេះម៉ោង 8 និង ០០នាទី ខ្ញុំបានដំណឹងពីការយាងទៅរបស់សម្តេចតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា នឹងយាងទៅប្រាសាទព្រះវិហារ នៅថ្ងៃអាទិត្យនេះ និងបន្តធ្វើដំណើរទៅកាន់ តំបន់មុំបី រឺ ត្រីកោណមរកត ដែលស្ថិតនៅភូមិសាស្ត្រ ៣ប្រទេសជាប់គ្នា គឺ ខ្មែរ ថៃ និងឡាវ ។

កន្លងមកចំនុចនេះមិនមានផ្លូវទៅទេ គឺមានតែផ្លូវមនុស្សដើរកាត់ព្រៃ ឆ្លងជ្រោះ ឆ្លងអូរ ប៉ុណ្ណោះ តែឥឡូវនេះ ខាងកងវិស្វកម្មក្រោមបញ្ជាដឹកនាំរបស់សម្តេចតេជោ បានបញ្ជាឲ្យធ្វើផ្លូវ ក្រាលគ្រួសក្រហម ទៅកាន់តំបន់ខាងលើនេះ និងមានស្ពានឆ្លងផងដែរ។

សម្តេចតេជោនឹងធ្វើដំណើរដោយ ហេលីកូទ័រ ជាមួយឩបនាយករដ្ឋមន្រ្តី ទេសរដ្ឋមន្ត្រី រដ្ឋមន្រ្តី និងមន្រ្តីមួយចំនួនទៀតផងដែរ។

ឥឡូវនេះកំលាំងអន្តរាគមន៍ និងការពារសម្តេច បានទៅដល់គោលដៅគ្រប់កន្លែង នៅតាមបណ្តោយព្រំដែនអស់ហើយ។ កំលាំងអន្តរាគមន៍មាន ស្នងការដ្ឋាននគរបាលខេត្តព្រះវិហារ យោធាកងពលធំលេខ៣ខេត្ត និង កងអង្គរក្សសម្តេចតេជោ ។

ចំណែកដំណឹងលោកថាក់ស៊ីនមិនទាន់ទទួលបាននៅឡើយទេពេលនេះ តែនៅខាងប្រទេសថៃ គឺមានដំណឹងនេះទូទាំងប្រទេសទៅហើយ។

ថ្ងៃស្អែកនេះ ខ្ញុំមានបំណងផ្សាយផ្ទាល់ពីការយាងទៅដល់ប្រាសាទព្រះវិហារលើកទី១របស់សម្តេចតេជោ តាមរយៈទូរស័ព្ទ ដាក់ក្នុង Sound clip តែមិនទាន់ថា ធ្វើទាន់រឺយ៉ាងណា បើប្រិយមិត្តណា អាចជួយខ្ញុំបានសូមទាក់ទងមកខ្ញុំផង។

Read Full story...

BreakingNews: បែកធ្លាយការសំងាត់ពីប្រទេសថៃ

កាលពីម្សិលមិញថ្ងៃទី 04 កុម្ភៈ ២០១០ អាប់ភីស៊ីត ក្ស័យជីវ៉ា នាយករដ្ឋមន្ត្រីចោរសៀម បានកោះហៅ ឧបនាយករដ្ឋមន្ត្រី រដ្ឋមន្ត្រី ក្រសួងធំៗ និង មានអំណាច ក្នុងប្រទេសថៃទាំងអស់ មកប្រជុំនៅបន្ទាន់នៅព្រលានយន្តហោះដនមឿន នៅបាងកក។ ប្រធានបទសំខាន់គឺផ្តោតទៅលើសកម្មភាពលោកថាក់ស៊ីន ចង់ប៉ះបោ ធ្វើរដ្ឋប្រហារ ដែលដែលខ្ញុំបានចុះផ្សាយកាលពីម្សិលមិញនេះ នៅពេលចប់ប្រធានបទនេះ អាប់ភីស៊ីត ក្ស័យជីវ៉ា បានប្រកាសរឿងមួយទៀត គឺ ខាងប្រទេសសៀមដឹងថា នៅចុងសប្តាហ៍នេះ ថ្ងៃទី6-7 កុម្ភៈ 2010 សម្តេចនាយករដ្ឋមន្ត្រី នឹងធ្វើទស្សនៈកិច្ចនៅប្រាសាទព្រះវិហារ ជាមួយលោក ថាក់ស៊ីន ។ ដូច្នេះអាប់ភីស៊ីតបានប្រកាសថា បើហ៊ុនសែនទៅប្រាសាទព្រះវិហារ ដែលជាផ្ទៃដី មានជម្លោះ 4,6Km2 ត្រូវសុំវីសារពីប្រទេសថៃ ជាដាច់ខាត។

មកទល់ពេលនេះខាងប្រទេសខ្មែរ ខ្ញុំមិនទាន់ទទួលដំណឹងពីការធ្វើដំណើររបស់សម្តេចតេជោ ទៅប្រាសាទព្រះវិហារ នៅឡើយទេ ហើយក៏មិនទាន់មានដំណឹងថា ថាក់ស៊ីនទៅប្រាសាទព្រះវិហារជាដែរ។
ពត៌មានខាងលើគឺបានមកពីប្រទេសថៃ នៅម៉ោង៤ព្រឹកមិញនេះប៉ុណ្ណោះ។

Read Full story...

Thursday, February 4, 2010

Kids in school overdose scare

80 students fall ill, rushed to hospital

Source: BangkokPost

Published: 4/02/2010 at 12:00 AM
Newspaper section: News

A rescue worker carries a boy who fell ill after taking a large number of cough relief pills. Dextromethorphan, inset, is an active cough-suppressant ingredient found in several commercial cough remedies. TAWATCHAI KEMGUMNERD/ SAROT MEKSOPHAWANNAKUL

buse of over-the-counter cough suppressants at a Bangkok school is raising concerns about public education on drug use and the effectiveness of controls on drug sales by pharmacies.

About 80 students, most of them in Prathom 4 and 5 (Grade 4 and 5), at Wat Tha Phra school in Bangkok Yai district were rushed to nearby three hospitals yesterday after suffering drug intoxication symptoms such as nausea, irregular heartbeat and severe headache.

They were found to have swallowed vast quantities of small yellow pills which were identified later as cough relief tablets containing dextromethorphan.

Twelve who were sent to Taksin Hospital were in serious condition and had their stomachs pumped.

Most of the students were in a stable condition and were discharged.

The students believed the tablets, which they bought for one baht each, had a wide range of properties - from smoothening the skin to making them smart to getting them high.

Taksin Hospital director Kittiya Srilertfa said initial tests showed the children had taken dextromethorphan - a cough suppressant which could have effects on the nervous system if more than recommended amount are taken.

Benjamas Rodsutthi, deputy director of the school, said the Bangkok Metropolitan Administration school was alerted to the drug abuse in the morning by a parent.

"We made an announcement right away, telling the students not to take the drugs," Ms Benjamas said.

"But it was too late. Shortly after that the students fell sick."

Ms Benjamas said an initial investigation found the drug was introduced by a student at Prathom 6 who claimed to have bought the pills from a games shop near the school.

Cough tablets which are sold locally contain 15mg of the substance. Users are advised not to take more than 120mg a day. Use of the drug should be discontinued after five days.

A woman shows a sample of the small yellow cough relief pills taken by children at Wat Tha Phra school before they fell ill from drug overdoses. The pills, sold for one baht each, are popular as they are believed to induce euphoria. SOMCHAI POOMLARD

The substance is known to produce euphoric effects and hallucinations similar to those of controlled substances such as ketamine when consumed in amounts exceeding maximum doses.

Food and Drug Administration deputy secretary-general Viravan Taengkaew said even though dextromethorphan was not classified as an abusive substance it could have deadly effects if more than the recommended dosage was consumed.

She said that those who sell the medicine without permission would face criminal charges.

Malinee Sukavejworakit, Bangkok deputy governor for public health, said City Hall had asked schools under its jurisdiction to keep a close watch on drug abuse.

She said the BMA would file a report with the Education Ministry so precautionary steps could be taken.

Jiraporn Limpananont, chairwoman of the Foundation for Consumers, said the incident reflected flaws in Thailand's public education on drug use as well as drug distribution and control systems.

The state has not educated consumers well enough on drug usage, especially on overdoses, she said. Even though drug use was part of the primary school curriculum, she said the process had failed.

There is also a loophole in the law controlling drug distribution by registered pharmacists, she said.

The law allows registered drug stores to operate with a pharmacist present for only three hours a day instead of on a full-time basis, she said.

Police yesterday took a games shop keeper opposite the school for questioning after reports the students bought the medicine from him.

Suwamit Montriwibulchai, 24, who admitted to selling the drugs to some students, was charged with selling medicine without permission. He said he only sold the tablets to high school, not primary school, students.

Mr Suwamit said he used the pills to treat himself and after a while he felt "rejuvenated".

"I told my friends about this and I guess the words spread to the kids who came to the shop," he said. "I sold the drugs for about two weeks and the customers kept growing."

Mr Suwamit said he sold the pills for one baht each and did not make any profit from the sales.

Police and FDA authorities yesterday raided nearby Sunny Pharmacy where Mr Suwamit said he bought the pills and found a large amount of dextromethorphan.

The owner faces charges of selling drugs without the supervision of a registered pharmacist.

Read Full story...

Breaking news :Thai ប្រកាសធ្វើរដ្ឋប្រហារចុងខែកុម្ភៈ

ថ្ងៃនេះ នៅគ្រប់ទំព័រសារពត័មានរបស់ប្រទេសថៃ គឺមានចំណងជើងធំៗពណ៌ក្រហម ដោយផ្តោតជាសំខាន់ និយាយពី ថាក់ ស៊ីន គំរាម អាប់ភីស៊ីត ឲ្យរំលាយសភា មុនចុងខែកុម្ភៈ បើមិនធ្វើតាមទេ គឺ ប្រើកំលាំងយោធាក្រហម ដើម្បីផ្តួលរំលំរដ្ឋាភិបាល អាប់ភីស៊ីត។

កាសែតថៃបានដកស្រង់សំដីលោក ផាលុកប៉េនម៉ានី ជាមេទ័ពសំងាត់របស់ក្រុមអាវក្រហម ដែលមានទាហានក្នុងដៃ និងអាវុធទំនើបៗជាច្រើន បាននិយាយថា លោកបានទៅជួបលោក ថាក់ស៊ីន នៅ ឌូប៉ៃ ប្រទេសអារ៉ាប់រួម ដោយដាក់កំហិតឲ្យ ថាក់ស៊ីន ដល់ចុងខែកុម្ភៈ ចរចារជាមួយអាមាត្រ ប្រេម ទីស៊ីឡានុន ឲ្យរដ្ឋាភិបាលអាប់ភីស៊ីត រំលាយសភា រួចបោះឆ្នោតសារជាថ្មី បើធ្វើមិនបានសំរេចទេ គឺ លោក និងធ្វើតាមចិត្តខ្លួនឯង ប្រើកំលាំងយោធាក្រហម វាយរំលំរដ្ឋាភិបាលអាប់ភីស៊ីតតែម្តងដោយមាន ឆាវ៉ាលីត យ៉ុងឆៃយុត ជាអ្នកដឹកនាំពួកគេ។

ម្សិលមិញនេះ អាប់ភីស៊ីត បានចេញមកនិយាយថា បក្ខពួកលោក ផាលុកប៉េនម៉ានី នេះគ្រាន់តែនិយាយគំរាមតែប៉ុណ្ណោះ ព្រោះថ្ងៃ២៦ កុម្ភៈ តុលាការថៃ នឹងកាត់ក្តីរឿងលុយពុករលួយរបស់ថាក់ស៊ីន ចំនួន ៧៦ម៉ឺនលានបាត ថាត្រូវរឹបអូសជាសម្បត្តិរដ្ឋ ពេលនោះគឺថាក់ស៊ីនគ្មានលុយសំរាប់ធ្វើផ្គ ធ្វើភ្លៀងទៀតទេ សូម្បីតែមេទ័ពសំងាត់របស់ក្រុមអាវក្រហម ក៏រលាយដែរ។

នៅពេលនេះផ្សារហ៊ុនថៃ បានធ្លាក់ដាំក្បាលចុះយ៉ាងគំហុកចាប់ពីម្សិលមិញនេះ ដោយសារការប្រកាសធ្វើរដ្ឋប្រហាររបស់ពួកអាវក្រហម។

ចាប់ពីពេលនេះ រហូតដល់ខែមេសា គឺប្រទេសថៃស្ថិតក្នុងគ្រោះថ្នាក់បំផុត ព្រោះសង្រ្គាមអាចកើតមានគ្រប់ពេលវេលា។

យើងមិនដឹងថា លោកថាក់ស៊ីន អាចគ្រប់គ្រង លោកឆាវ៉ាលីតយុងឆៃយុត និងកូនចៅដ៏ទៃទៀតដល់ពេលណាទៀតទេ ព្រោះពួកគេអស់ពេលអត់ធ្មត់ទៀតហើយ ខន្តីមានកំណត់ លោកថាក់ស៊ីនអាច ទ្រាំនៅប្រទេសឌូប៉ៃបាន តែកូនចៅជំនិតៗ មិនអាចទ្រាំឈរមើលអាប់ភីស៊ីត ឆ្កួតអំណាច កៀប ក រាស្រ្តនេះបានទេ។

ដូចសមេ្តចនាយករដ្ឋមន្ត្រី ហ៊ុន សែន បានមានប្រសាសន៍រួចហើយថា រដ្ឋាភិបាលអាប់ភីស៊ីតជិតរលាយហើយ ។ តាមការអង្កេតរបស់ខ្ញុំក៏មើលឃើញថា ទាំងការទស្សន៍ទាយរបស់គ្រូហោរាល្បីៗប្រចាំប្រទេសថៃ និងការដាក់ឱសានវាទរបស់ពួកអាវក្រហម និងប្រសាសន៍សម្តេចតេជោ គឺ ប្រទេសថៃនឹងកើតមានរដ្ឋប្រហារមួយថ្មីជាមិនខាន នៅពេលឆាប់ៗខាងមុខនេះ។

Read Full story...

Tuesday, February 2, 2010

ឡានពេទ្យទំនើងជាច្រើនក្រឡុកក្រុងភ្នំពេញ

កាលពីព្រឹកមិញ ថ្ងៃទី ២កុម្ភៈ 2010 ឡានពេទ្យជាច្រើន មិនថា ជារបស់មន្ទីរពេទ្យឯកជន រឺ មន្ទីពេទ្យរដ្ឋទេ ចេញប្រដេញគ្នាយ៉ាងប្រសាច គួរឲ្យព្រឺប៉ះសក់នូវសកម្មភាពឡានពេទ្យ បើកលឿនដូចហោះ ដូចឡានពេទ្យទំនើងអញ្ចឹង។ ឡានពេទ្យទំនើងនេះ បានធ្វើឲ្យប៉ូលីសបិតផ្លូវ ជាច្រើន ចាប់ពីព្រលានយន្តហោះអន្តរជាតិភ្នំពេញ ទៅដល់មន្ទីរពេទ្យកាល់ម៉ែត្រ និង ពេទ្យមួយចំនួនទៀត។

នេះគឺជាសមយុទ្ធពិសេស របស់ក្រុមឡានពេទ្យទូទាំងក្រុងភ្នំពេញ មកជួបជុំគ្នានៅព្រលានយន្តហោះអន្តរជាតិភ្នំពេញ ដើម្បីធ្វើការសង្គ្រោះអ្នកជំងឺចេញពីយន្តហោះ បើមានហេតុការអ្វីមួយកើតឡើងដែលស្មានមិនដល់ ។
ប៉ូលីសចរាចរក៏បានចូលរួមសំរួលចរាចរ តាមដងវិថីគ្រប់កន្លែង ដើម្បីបញ្ជៀសការកកស្ទះចរាចរផងដែរ។
សូមប្រិយមិត្តកុំភ្ញាក់ផ្អើលជាមួយសកម្មភាព សមយុទ្ធរបស់ឡានពេទ្យអី។

Read Full story...

កាដូ ប្តូរព្រហ្មចារី

ថ្ងៃបុណ្យនៃក្តីស្រលាញ់ Valentine day 14 កុម្ភៈ គឺជាប្រធានបទមួយដែលកំពុងក្តៅគគុក ពុះកញ្ច្រោលយ៉ាងខ្លាំង ក្នុងស្រទាប់យុវវ័យនូវដើមសប្តាហ៍នេះ។

យុវវ័យខ្មែរទាំងប្រុស ទាំងស្រី មួយចំនួនបានហៅ ថ្ងៃបុណ្យនៃក្តីស្រលាញ់ ថា ថ្ងៃបុណ្យសង្សារ ។ ពួកគេតែងតែជូនផ្កាកុឡាបគ្នាទៅវិញមក និងមួយចំនួនបបួលគ្នាដូរព្រហ្មចារី។

ខ្ញុំបានសួរបុរសម្នាក់ថា តើថ្ងៃបុណ្យនៃក្តីស្រឡាញ់លោកនឹងធ្វើអ្វីជាមួយសង្សារ? គាត់ឆ្លើយថា “ ណាត់សង្សារឲ្យជូនផ្កាកុឡាប ដើម្បីបញ្ជាក់នៃក្តីស្រឡាញ់ រួចទៅញាំអាហារពេលយប់នៅភោជនីយដ្ឋានក្រោមពន្លឺភ្លើងប្រិមៗ “ ស្តាប់ទៅromanticណាស់ ខ្ញុំក៏សួរទៀតថា “ ចឹងអត់នាំគ្នាទៅឋានសួគ៌ទេអី? គាត់ឆ្លើយថា “ អត់ទៅមានតែឆ្កួត” ។

នេះជាវប្បធម៌បរទេស ថ្ងៃបុណ្យនៃក្តីស្រឡាញ់ គឺជាថ្ងៃដែលបុគ្គលគ្រប់រូប ត្រូវសំដែងនូវក្តីស្រឡាញ់ជូនទៅ អ្នកមានគុណ ក្រុមគ្រួសារ និង អ្នកដែលយើងស្រឡាញ់ ប៉ុន្តែយុវវ័យខ្មែរមួយចំនួន បានចំលងវប្បធម៌បរទេសនេះ ជ្រុះបាត់តាមផ្លូវ ព្រោះផ្លូវស្រុកខ្មែរ រដិបរដុប រលាក់ជ្រុះអស់នៅសល់ត្រឹមតែដឹងថា ថ្ងៃបុណ្យសង្សារ គឺជាថ្ងៃកាដូ ព្រហ្មចារីគ្នាអញ្ចឹងទៅ។

ឆ្នាំនេះថ្ងៃបុណ្យនៃក្តីស្រឡាញ់ ចំថ្ងៃបុណ្យចូលឆ្នាំចិន និង យួន ខ្ញុំរំពឹងថា យុវវ័យស្ទាវៗ របស់យើងនៅផ្ទះជួបជុំក្រុមគ្រួសារ ញាតិមិត្ត ផឹកស៊ីសប្បាយ ក្អាកក្អាយជាមួយទេវតាឆ្នាំថ្មី កុំទៅប្រព្រឹត្តអ្វីផ្តេសផ្តាស នៅក្រៅផ្ទះជាមួយសង្សារ។

សូមយុវវ័យយើង កុំយកព្រហ្មចារី ប្តូរជាមួយកាដូគ្មានន័យ សូមនិយាយថា I love you ទៅឳពុកម្តាយរបស់អ្នក និង ញាតិមិត្ត មុនពេលSMS ទៅសង្សារសំណប់ចិត្ត។

Read Full story...

Monday, February 1, 2010

PM points finger at corrupt army chiefs

Source: PhnomPenh post
Date:Friday, 29 January 2010 15:04 Vong Sokheng and Sam Rith

Photo by: Pha Lina Hun Sen speaks during the closing ceremony of a conference at the Ministry of Defence on Thursday.

PRIME Minister Hun Sen on Thursday warned of harsh sanctions for soldiers and military commanders involved in illegal businesses, identifying several officials by name who he said were guilty of corruption.

Speaking at the conclusion of a conference on military reform, held at the Ministry of Defence, Hun Sen said even high-ranking officers were not immune from the government’s effort to expose unlawful activity, calling this effort essential to plans discussed at the conference for military reform over the next five years.

“It is time to stop every activity involving illegal business or the support of illegal business. [I] don’t care how many stars or moons you have – I will fire you, and nobody will keep corrupt commanders in their seats,” Hun Sen said. “In Cambodia, the prime minister directly controls the troops.

Hun Sen identified several generals who said were guilty of corruption: Sum Samnang, director-general of logistics and finance at the Ministry of Defence; Chao Phirun, director-general of the military’s materials and technical services department; Ung Samkhan, commander of the
Cambodian Navy; and Chhoeun Chanthan, chief of Senate President Chea Sim’s bodyguards.

The premier also acknowledged that many soldiers were involved in illegal activities including logging, land grabbing, smuggling and illegal fishing. “I declare my absolute order [to stop illegal businesses] -- otherwise military reform will not move forward,” Hun Sen said.

Following the passage of the Kingdom’s long-awaited Anticorruption Law, Hun Sen said, all government officials and politicians will be required to disclose their assets to a permanent committee to fight corruption, which will be housed at the Royal Cambodian Armed Forces headquarters in the capital’s Daun Penh district. A draft of the Anticorruption Law was approved by the Council of Ministers in December, and is likely to be passed by the National Assembly in April.

Yim Sovann, spokesman for the Sam Rainsy Party (SRP), said he was pleased to hear the prime minister address the issue of land grabbing by the armed forces.“What I am happy about is that he acknowledged past misdeeds,” Yim Sovann said, adding that the SRP’s recommendations on these issues had been ignored for years.

Thun Saray, president of local rights group Adhoc, called for Hun Sen’s recommendations to be put swiftly into action.

“His speech is very good, but we also ask for real implementation … sometimes when we take his speech to lower levels for implementation, they do not listen,” he said.

Read Full story...

UDD rally continues in Chiang Mai

* Source: Bangkokpost
* Published: 29/01/2010 at 05:19 PM
* Online news: Breakingnews

The red shirts of the Rak Chiang Mai 51 group continued their rally in front of the Region 5 Police headquarters in Chiang Mai on Friday, demanding the suspension of regional police chief Pol Lt-Gen Somkid Boonthanom.

Security measures have been stepped up to prevent the red shirts breaking into the office. Gates of the regional police head office have been closed.

Petcharawat Wattanapongsirikul, leader of the group, said a petiton has been sent to Prime Minister Abhisit Vejjajiva and acting police chief Pateep Tanprasert as that Pol Lt-Gen Somkid to suspended because he has been indicted in the Criminal Court in connection with the disappearance of a Saudi businessman in 1990.

He said the red-shirts would seize the police office if there was no response to the petition today.

Mr Petcharawat said former prime minister Thaksin Shinawatra would phone in to talk to the protesters on Friday night about 9pm.

Police made an announcement on a local radio station today telling the people to avoid using the road leading past the police headquarters,and expected the protest to continue over the weekend.

Read Full story...

Saturday, January 16, 2010

Hun Sen Blasts Thais Over Temple Remarks

By Chun Sakada, VOA Khmer
Original report from Phnom Penh
12 January 2010

Prime Minsiter Hun Sen on Tuesday warned Thai officials to surrender their ambitions to “invade” Cambodian land near Preah Vihear temple.

The premier was referring to comments made by the Thai Foreign Ministry Monday that claimed a pagoda near Preah Vihear temple, where troops from both sides have amassed since July 2008, belonged to Thailand.

The military standoff along the border has seen several skirmishes over the past 18 months, killing at least seven soldiers.

“Thailand, you are invading my country, and Cambodia cannot tolerate your invasion,” Hun Sen said, speaking at a graduation ceremony at the National Institute of Education. “This is an invasion and an insult that we cannot tolerate.”

Parallel to the border confrontation, Thailand and Cambodia are embroiled in an ongoing diplomatic row over the appointed of ousted Thai premier Thaksin Shinawatra as an economic adviser to Hun Sen.

Both sides have withdrawn their ambassadors and other diplomats in the dispute.

Thai Foreign Minister Kasit Piromya said Monday Thailand would not engage in “normal” relations between the two countries as long as Thaksin retained his position.

“Kasit Piromya should stop talking about conditions for the return of the ambassador to Cambodia,” Hun Sen said Tuesday. “The presence of the charge d’affaires is enough.”

In July 2008, Preah Vihear temple, which sits on a high escarpment overlooking the Cambodian plains, was granted Unesco World Heritage status under Cambodian management.

The approval sparked protests in Bangkok and led to the deployment of troops on both sides to areas around the border, including the Keo Sikha Kiri Svara pagoda, which is claimed by both sides.

A Thai court last week declared an agreement between Cambodia and Thailand that led to the listing of the temple as a World Heritage site should be canceled.

Borders and temples remain lightning rods for politics and nationalism on both sides.

In 2003, a Cambodian mob sacked and razed the Thai Embassy and other Thai businesses in a night of Phnom Penh rioting, after unconfirmed rumors a Thai actress had claimed the famed temples of Angkor Wat should belong to Thailand.

Read Full story...

Thursday, January 14, 2010

Red-shirts unveil 'war' plan

Published: 13/01/2010 at 03:57 PM
BangkokPost.com

A meeting of key members of the United Front for Democracy against Dictatorship has approved a planned "war" on the bureaucracy, UDD core leader Natthawur Saikua said on Wednesday afternoon.

Mr Natthawut told a press conference that on Friday Suporn Atthawong and Arisman Pongruangrong will go to the Royal Forestry Department and demand it resurvey the block of land on Khao Yai Thiang owned by privy councillor Surayud Chulanont.

Gen Surayud had reported the National Anti-Corruption Commission (NACC) that he owned only 21 rai of land, but Mr Natthawut said he believes the former premier is occupying a bigger area of land than he had admitted.

On Jan 17, Mr Suporn will visit the Crime Suppression Division to file a complaint against Gen Surayud, accusing him of encroaching on a forest reserve.

On Jan18, key members of UDD will go to the Office of the Privy Council to submit an open-letter detailing the unlawful occupation of the land on Khao Yai Thiang by the former prime minister.

After that they will visit the Department of Special Investigation to file a complaint with the agency demanding legal action be taken against Justice Minister Pirapan Salirathavibhaga for negligence of duty. The UDD has accused the minister of trying to delay their petition for a royal amnesty for fugitive former prime minister Thaksin Shinawatra.

On Jan 21, UDD supporters will go to the Office of His Majesty’s Principal Private Secretary and ask for a explanation of the process for submitting a petition by the red-shirts.

On Jan 23-24, the UDD will hold a mass gathering of red-shirts at Khao Soi Dao golf course in Chanthaburi province. The red-shirts claim the 400 rai golf course, which had encroached on the Khao Soi Dao forest reserve, is owned by the president of Privy Council Prem Tinsulanonda. The rally, aiming at taking back the nation’s asset, will be peaceful, he said.

Mr Natthawut said the people were disappointed with Gen Surayud’s decision not to return his questionable land on Khao Yai Thiang to the state unless he is directed to do so by the Forestry Department.

“Gen Surayud is the chairman of the Foundation for the Protection of Khao Yai Forest, but his decision shows that he wants to keep his ownership of the block of land on Khao Yai Thiang,” he said.

The UDD leader called on the Forestry Department to remeasure the land in dispute.

“If it is found that the land area is larger than 21 rai, then Gen Surayud will face charges of forest encroachment and falsely reporting his assets to the NACC," he said

Read Full story...

Subscribe to: Posts (Atom)

About Me

Phnompenh2727 មិនត្រឹមតែជាប្លុក ក៏ជាគេហទំព័រមួយ បង្កើតឡើងដើម្បីពង្រីកចំណេះដឹងក្រេបជញ្ជក់យកព័ត៌មាន និងការអភិវឌ្ឍន៍នូវគំនិតបញ្ញា ស្មារតី ការទទួលខុសត្រូវ នៃការតាមដាន ព័ត៌មាន នានាជុំវិញខ្លួន ក៏ដូចជា ប្រទេសជាតិ ផងដែរ។

ខ្ញុំបានស្វែងរកពត៌មានជាច្រើនជារៀងរាល់ថ្ងៃ ដើម្បីបំរើ ផលប្រយោជន៍ ជាតិ និងសាសនា នៃព្រះរាជាណាចក្រកម្ពុជា ដែលខ្ញុំស្រលាញ់។

សូមប្រិយមិត្ត អ្នកអានទស្សនាដោយក្តីរីករាយ សូមអរគុណ។

©2010-Designed by Ritz_Meanpore